السلام عليكم
مش فاضي اصور فيديو فقلت اكتب هالنصيحة كتابة 
مين افضل في دراسة الرياضيات ، ورق الخرابيش أم الدفتر الجميل ؟
كثير من الطلاب (خصوصا بالبداية) بكون متحمس وبده كل شيء يكون مثالي ورائع، وعشان هيك بتلقى بعض الطلاب بشتري دفتر واقلام ملونة وبصير يكتب السؤال مع حله ويمكن يعيد الصفحة اكثر من مرة … وهذا الشيء خطا ومضيعة وقت
انت المطلوب منك انك تحط المعلومات براسك مش بدفترك، ثم ليش بتكتب فيها، مهي بالكتاب وبالدوسية وبالدورة …. فاياك ثم اياك تضيع وقت على هيك اشي … احنا بدنا اياك تركز في فهم المادة وحل الاسئلة مش بكتابة دوسية !
.
في الجانب الآخر في طلاب بكتب على ورق خرابيش، وعادة بكب كل شي حواليه على الارض، فهل هذا الاشي مليح ؟ انا شايفه افضل بكثيييييييييييييير من جماعة “قلم ابو اربع الوان” ، اصلا بكفي احساسك بالفخر والانجاز بس تشوف كوم الورق اللي حواليك … بس تنساش تلمهن بآخر اليوم أو تحترف كرة السلة فيهن ههههه
.
الموضوع جبته بأسلوب مزح لكن هو جد، بدي اياكم تحددوا شو هو الانجاز الصحيح اللي لازم تعملوه ، وسلامتكم
👍💯